حاول تحب وتخون انسان ثاني!!

ماقد طلبتك وقلت لك مقدر اعطيك
ولا قد جرحت وقلت لك : انت جاني !!!

وماقد سهرت إلا وعيني تراعيك
ولا قد رقدت إلا وطيفك لفاني !!!
بس الغريب اليوم ماعاد أعنيك
وماعاد تفرق لــو شكيتك زماني !!!

بي دمعةٍ لو شفتها يوم تبكيك
أقسم بربي ماتفارق مكاني !!!

دمعه غريبه يوم حلت خطاويك
سألت تقول اليوم خلي نساني !!!

حتى الدموع بعين خلك تناديك
دمعي على فرقاك والله كواني !!!

أربع ثواني عشتها هايمٍ فيك
هذا وهي ياصاحبي ( 4 ثوانـــــي ) !!!

وشلون لازادت ليالي بطاريك ...؟؟؟
خايف مع الأيام أنسى إخوانــــي!!!

ليتك تشوف الدمع بعيون مغليك
يمكن مع الأيـــام ترجع عشاني !!!

وكانك رجعت بيوم ماعاد أبغليك
خلاص ... يكفي ... مامضى من زماني !!!

أول شريتك يوم انا مغرمٍ فيك
واليوم بعتــك يوم قلـبـك نسانــي !!!

دور على غيري يحبك ويغليك
حـــــاول تحب وتخون إنسان ثاني !!!

ماهو خطا قلبي اذا قام يبكيك
هذا خطا حظي ........ وغلطةزماني!!