البنت الناعمه
طبعا هذي البنت وهى نايمه فى غرفتها الدبدوب والأرنوب كلهم فى حضنها، واذا قامت من النوم
ما تقوم الا الساعه وحده الظهر ،والشغاله تقعدها من النوم وطبعا تكلمها بالانجليزى بترجم
لكم شو قالت لها الخدامه 00 تقول قومى ما ما وقت واجد تأخير 00 والناعمه اول ما تصحى
من النوم تفتح الستاره والشباك علشان تتنفس الغرفه وتشغل موسيقى رومانسيه علشان
يكون الجو رايق وتاخذ حمام محترم وبعد ما تطلع من الحمام(الله يعزكم) على المرايه على طووووول تحط من هالكريمات
والصبغ 00 لازم تحافظ على بشرتها 00 تخلص من المرايه وتتجه للسشوار
وعصير البرتقال 0
البنت الدفشه
تقوم الساعه 8 الصبح وهى ما ودها تقوم وتدخل امها عليها وتصرخ قومى
شبعتى نوم ترد الدفشه 00 زين زين ألحين بقعد 00 وتقعد تتأفففففففف وتتحلطم00 بالإضافه الى انها وهى نايمه كل دقيقة تطيح من على السرير نومها كله كوابيس 00 وبعدين يدخل
اخوها الصغير ويصرخ 00 وجع 00 يالله كفايه نوم 00 ترد عليه : اطلع من الغرف والا
ارميك من الشباك الحين 00 المهم اخوها اللى اكبر منها يروح لها الغرفه يرفسها وبعد ذيك
الرفسه العنيفه 00 تصحى من النوم
نرجع للبنت الناعمه
ما تتغدى إلا الساعه 4 وإلا 5 وما تتغدى إلا على عيش أبيض مسلوق
وسلطه علشان تحافظ على رشاقتها 0
اما البنت الدفشه
تتغدى الساعه 12 بالضبط وما تتغدى الا كبسه لحم أو دجاج وإذ خلصت تشرب البيبسى شربه
وحده يعنى ما فى مجال انها تتنفس 00
البنت الناعمه
طلعتها تكون من بعد صلاة المغرب ما تطلع العصر تحافظ على البشره من ضوء الشمس
البنت الدفشه
تطلع الساعه 2 القايله تروح مشى لبيت خوالها لحد ما تنقلب سمره 0
البنت الناعمه
تروح العثيم مووول أو البستان مووول او المزرعة او سوبر ماركت العثيم<<عشانه راقي شوي او هايبر بنده وقبل لا تطلع تمر على للمشغل تحط هذاك الميك اب 0
البنت الدفشه
تحط كحل يملا العين والروج تقول ما كله لوز وإذا بتروح السوق تروح سوق الحراج أو سوق العرصه إذا متطوره اشوي0
البنت الناعمه
اذا تبى تضحك تسمع ( هههههههههه) وإيدها على فمها من الخجل والضحكه من الصعب إنك تسمعها
البنت الدفشه
هااااااااا هاااااا هااااااا هااااا ههههاااااااااااااااااااااااااي00
والفريج الثانى يسمعها 0
البنت الناعمه
اذا تحب تسمع اغانى ما تسمع عربى ما تسمع إلا ريكى مارتن طبعا لانه حلو وممثلها المفضل
توم كروز لوسامته وميل جبسون وجيم كارى لخفة دمه 0
البنت الدفشه
ممثلها المفضل بو هلال وعبدالناصر درويش ومطربها المفضل خالد الملا ومزعل الفرحان ومن الحريم خميسه بلال 0
البنت الناعمه
تتفرج على التلفزيون طالع كره قدم مباره الشباب وأكـــيد لاعبها المفضل عبده عطيف
عشانه مزيوون وممتع ورقيق
البنت الدفشه
تتفرج على التلفزيون طالع مصارعه والمعلق يتكلم انقليزي وطبعا مو عارفه وش يقوول
البنت الناعمه
لما تتفرج على التلفزيون تقعد على الكرسى وتحط رجل على رجل وتبتسم لأن الابتسامه تضفى بشاشه على الوجه
البنت الدفشه
تنسدح على الأرض( تقول عندها رمايه) وتحط راسها على المخده وتمد رجلها وتحطها على التلفزيون واذا تبى
تغير القناه دقت التلفزيون باصبع رجلها وغيرت القناه 0
البنت الناعمه
اذا تبى تحلم احلام اليقضه تطلع لحديقة بيتهم وتقعد على الكرسى الهزاز والكرسى يروح و يرجع فيها
البنت الدفشه
تروح بالحوش وتمد السجاده أو العصير اللى فيها خمسه وثلاثين لون احمر واسود وابيض وتجيب كاس طوله
ستة أمتار متروس شاى وإلاّ َوالحلو تمر وهرده.
