اللي بقى لي مع الايام

اللي بقى لي مع الأيام .. وفّيته
والضيق لو ينهمر تشربْه ودياني

ماهي كبيره علي والحزن غنيته
وْلاهي غريبه إذا وقتي تحداني

الخوف -يا من نبشت القلب وادميته
-لاعشت زهرة شبابك وانت وحداني!!

كم جرح خذْته من الأحباب.. ضمّيته
وجروح قلبي زكاة لْحُبّّ خِلاّني

مطعون ؟ عاااادي ،، جفا الأقراب؟ داويته
تعبان؟ مبطي ،، ردى هالحظ؟ خاواني

صدمه؟ بسيطه ،، هَوان الحال؟ مرّيته
مقرود ؟ أدري ،، وإذا حرمان؟ عدّاني

ما فاح همّ ٍ لك الله ما تقهويته
ما مرّ حزن ٍ بغيري ما تبلاّني!

ياما وياما من الخذلان .. عديته
إلا بصاحبْ .. بعد عِشره تناساني!!

أزريت لأنسى غيابه لين ناديته
والموت لامن تجاهلني وجافاني

وينه يجيني .. وكل عْتاب كنّيته
ياليت يدري بعد فرقاه وش جاني!!

من كنت طفل ٍ وانا أرجاه في بيته
شيّبت.. واثره على هالحال خلاني!

حتى جناح العَتَب لرضاه ذليته
ماطِرْت بعده فرح من ذلّ جنحاني

يا قلب صبرك .. ترى كل شيّ سويته
ما كان أفضل من اللي كان بإمكاني

لو بيّ قوه على الهجران؟ خليته
لو بيّ ذره من النكران؟ يفداااني

الجرح أرحم .. إذا يرجع من أغليته
مجروح؟ فِدوه .. ولكن صعب وحداني!

جونــآآآآآآآآآآآآآآآآآآآن ..

يسلمو ع المرور

يعطيك العافيه ع هالبداع

رووووعه

يسلموووو

الجرح أرحم .. إذا يرجع من أغليته
مجروح؟ فِدوه .. ولكن صعب وحداني!

رووووووعــــــــه

يعطيك الف عااااافيه

يسلموو

» الحب جمعنا مع صدوف الايام
» اللي فيه شر يدخل ...
» يا منشغل عني وش اللي منسيك ....
» وش اللي فيكـ يجذبني .؟؟؟!!!!
» آبا عز الدموع اللي غشت خدي عقب فرقاكـ...