دخيل قلبك قلبي اهتم فيه

اسمـع نـدا قلبـي يناديـك ياهيـه



موجات صوته ماوصل لك صداها؟



نبضه يترجم لك احساسـه ويبديـه



ون زاد نبضاتـه ونينـه قفـاهـا



والله ماغيرك مـن النـاس يعنيـه



ياروح روح الـروح غايـة مناهـا



دخيل قلبك قلبـي اهتـم لـي فيـه



لاتعلق امالـي كـذا فـي رجاهـا



طول الامل صبـره نفـد يامعنّيـه



ومن يقنع اشواقي تـداري هواهـا



انا تعبت مـن العتـب والمشاريـه



من عقـب ماكنـت بوفـاه اتباهـا



وربي تعبت ولابقى دربـن امشيـه



الا ومشيتـه لجـل اقنـع جفـاهـا



يخف عنـي مـن قسـاه وتجنيـه



ويعتق رضا اللي كان وصله رضاها



ياقلب قلبي عانـي القلـب عانيـه



يبكي الـم ويقـول مابـي سواهـا



ياكبـر هقواتـه وياكثـر امانـيـه



دخيل قلبـك حـس بـه لا تساهـا



ياما سألني القلب وش فيه وش فيه؟



وش فيه يسلب فرحتن قـد عطاهـا



ووش فيه متغيـر علينـا بمباديـه



ويبني حـدودن قبـل ماقـد بناهـا



واقـول ياقلـب العنـا نـاد ياهيـه



لعلهـا فـي يـوم تسمـع صداهـا