oٌ(ٌ•ٌِ,ٌ•ٌ)o الي يبي ينام يدخل ولا ينسى مخدته وغطآه oٌ(ٌ•ٌِ,ٌ•ٌ)o

بسم الله الرحمن الرحيم
مابي اطيل عليكم بدخل عرض في القصه فا الي يبي ينام يجيب معه مخدته وبطانيته ويجي
صفحتي
< مطفيه النور ومشغله نور خفيف اصفر عشان اقرالكم

يالله
بسم الله الرحمن الرحيم وصلى الله على سيدنا محمد وعلى آله الطيبين الطاهرين

.[كان يا ما كان في قديم الزمان ..
سلطان عظيم له في الشرق و الغرب شنَّة و رنَّة . في يوم من الأيام نزل السلطان للبلد يتفقد أحوال رعيته .. وهوا ماشي .. خبط فيه راجل طويل و شايل زنبيل و خشبة .. سأله : انتا مين ؟؟
قال له : أنا صكاك الحجل في الرجل !! سأله السلطان : يعني ايه ؟؟
رد الراجل و قال : يعني أنا اللي أعرف فلانة حتتجوز مين و فلان حيتجوز مين ! .. قال له : طيب عظيم .. قولي : أنا صكيت رجلي على حجل مين ؟

قال : أقول لك ولا تزعل ؟؟ قال : ما راح أزعل
إنتا راح تتجوز بنت الصياد الفقير إللى عشته عند البحر !! الراجل قالها و فص ملح و داب .

أكلت الحكاية مع السلطان و قال في نفسه .. أنا مقامي مقام بنت الصياد الفقر ؟؟ أنا مقامي مقام واحدة سلطانة عظيمة مو بنت صياد فقيرة

السلطان مشي لحد ماوصل لعشة الصياد و في نفسه نيَّة بطالة .. خبَّط على الباب .. سمع صوت البنت بتقول : مين ؟؟ و تبغى ايش ياللي بتدق الباب ؟

رد و قال : أنا عابر سبيل و ابغى شربة موية .
خرجت البنت بالموية على نيتها و ما تشوف الا السلطان ساحبها من يدها لبره و سحب سيفه و شق بطنها و سابها بتنزف و شرد

بقدرة الله .. شافها حكيم كان مسافر و بيجري عشان يلحق المركب و لما لمحها وقف و بسرعة ربطها بإحرامه و شالها معاه و على المركب جري و سافر بيها.
صار الحكيم كل يوم يعالجها و يعتني بيها .. و ماوصلوا البلد اللي قاصدينها الا و البنت ماشاء الله زي الرهوان ، و فضلت البنت عند الحكيم يراعيها و علمها الكتابة و القراية و حاجات كتيرة.

ذاع صيت البنت في البلد و الكل صار يحلف بحياتها .. ايش حلاوة و ايش علم و معرفة . وصلت شهرتها لأمير البلد العجوز .. راح طلب الحكيم و قال له :
أنا من يوم ما اتجوزت و ربنا ما رزقني بعيال .. و ابغاك تجيب لي بنتك .. اتبناها و اراعيها و تكون بنتي ..
الحكيم وافق بس قال للأمير : بس ليا طلب .. البنت بتوحشني و ليا عندك تخليها تجيني كل كم يوم اتطمن عليها و اشوفها.

جات البنت لبيت الأمير و عاشت في القصر مبسوطة من العز و الراحة .. و البلد كلها صارت تحكي و تتحاكى عن بنت الأمير ونباهتها و كأنها تحفة ماوردت على أحد.

و من هاديك البلد لهادي البلد وصل صيت البنت لهداك السلطان اللي في يوم ضربها في بطنها بالسيف . قال السلطان في نفسه : هادي العروسة اللي صحيح تليق بمقامي .
و سافر السلطان لحد ماوصل البلد اللي فيها البنت .. و خطبها من الأمير العجوز .. وافق الأمير علي طول بس شرط عليه شرط انهم يفضلوا عنده سنة كاملة و بعدين يقدر يرجع بلده .. رضي الأمير بدا الشرط و اتجوز البنت و عاش معاها في قصر ابوها في سعادة و هنا .

في يوم من أيام ربنا دخل السلطان على البنت و لقاها نايمة و شاف بطنها مكشوفة ، قرب منها عشان يغطيها الا و يشوف ديك الخياطة اللي بعرض بطنها و استغرب .. صحاها من النوم و قال لها : أصدقيني .. مين اللي فتح بطنك كدا ؟ قالت له : اعطيني الأمان و أنا اقول لك . أعطاها الأمان راحت حاكيه كل الحكايه ..

لما سمع الكلام دا وجهه صار كله زعل من نفسه .. و قال في نفسه : سبحان الله .. ماحد يقدر يشرد من قضاه ..

سلّم أمره لله و جهز نفسه و مراته و رجع على بلده .. و هناك جاب أبوها الصياد و أمها المسكينة اللى قربت تتجنن من فراق البنت ، و أخدهم يعيشوا معاهم في القصر و عوّض صبرهم خير و ربنا رزقهم بالصبيان و البنات ..

و توتة توتة خلصت الحدوتة]|:.[center]

قصه حلوه

دارت دارت ورجعتله

سبحان الله

يعطيك الف عافيه

روووعه

قصه جميله

تسلم ايدج عالطرح الرووووعه
يعطيج الف الف عاافيه

يسلموووووو على القصه روعه

» مستحيل الي يحب ينسى شخص حبه
» اللي فيه شر يدخل ...
» الي بيقول الصراحه يدخل؟....
» ..أمنية كنت تتمناها..الكل يدخل...