قهررررررر؟من جد

اكبر قهر لاجيت تعشقلك انسان
واللي تحبه ساهي مادرى بك

واكبر قهر تحلم وتحلم لك ازمان
ويطيح حلمك ميت عن بابك

واكبر قهر تبني من سنين بنيان
وتشوف بنيك ماتعدى ترابك

واكبر قهر تسقي من الورد بستان
وتموت بين يديك زهرة شبابك

واكبر قهر تارد ع البير ضميان
وتشوف بعض الطين حايس شرابك

واكبر قهر لاحطوا الناس نيشان
كل يزهب وانت ضايع زهابك

واكبر قهر ترهي ع حصان خسران
يوم السبق لاطحت كل حكى بك

واكبر قهر لاصرت ضايع وعطشان
ونفس الطريق اللي يوديك جابك

واكبر قهر صاحبك لاجاك خوان
لابحت له بالسر راح ووشى بك

واكبر قهرتعطي وتعطي علشان
تاخذ عقب كل العطايااا حسابك

كل ماسبق ذكره ع الشوف ماكان
حفنه حروف مع بعضها تشابك

ماهو هرج يعجن بفم وللسان
ولاهوب عود يكسره حد نابك

ان كنت فيما قلت تحتاج برهان
ناظر وتلقى ف قصيدي جوابك

وان كنت فيما قلت مخطي وغلطان
اترك خطانا وانت عطنا صوابك

تعبت بقلمي..

رووووووووعـه

كلمات قاسيه في آخر بيتين

وان كنت فيما قلت مخطي وغلطان

اترك خطانا وانت عطنا صوابك

تحمل عتب على صاحبها

بحق انتٍ مبدعــه

هنيئاً ما سطر لنا قلمكـ